الطائف نت
| أختر لونك المفضل : |            |
| |||||||
| Register | FAQ | الأعضاء الذهبيين | الألعاب | Calendar | Search | Today's Posts | Mark Forums Read | English |
|
#1
04-07-2009, 10:00 PM
| ||||
| ||||
| حملة نبغى آنكون شبآب وبنآت فلة..~ حملة نبغى نكون شباب وبنات فلة .::. أنا شاب زي أي شاب ثاني من شباب جدة اسمع اغاني، وألبس ماركات، أطلع كباين، أروح كفيهات، عندي لكزس، وعندي جيرل فريند ربنا عاآلم وعارف إني كنت صادق في حبي وعشقي للبنت هآدي... وكانت نيتي الزواج جلسنا مع بعض 4 سنين ... وبعدها الله فرقنا... جاها ولد الحلال ووافقوا أهلها واتزوجت بعدها وأنا حياتي كلها انقلبت سرت بس ابكي .. (ايوآ رجال وابكي.. اعترف) طلعت الكورنيش قعدت لحالي.. وحطيت النضارة عشان محد يشوف دموعي سألت ربي كثير ليه؟؟ ليه أخذتها مني يا رب؟؟ ليييييه؟؟ ليه فرقتنا؟؟ الين وصلت لمرحلة حسيت نفسي خلاص مكتوم ومخنوق... مو قادر اتنفس البحر قدامي والدنيا ظلام وسكون.... البحر قدامي ارمي نفسي في البحر؟؟ ارمي نفسي في البحر وارتاح من حياتي وهمي الهم والوجع اللي في قلبي ما راح يروح ... نفسي اخرج قلبي وارميه.. او أرمي نفسي قربت شوية وطلعت على صخرة كبيرة.. طالعت في البحر تحتي.. أسود وعمييييييق وأمواج.. رفعت عيني فوق للسماآ... طالعت للنجوم والقمر.. ونزلت دمعة من عيني سامحني يا رب... استغفرك يا ربي... استغفرك يا رب من فكرة الإنتحار استغفرك يا رب ساااااامحني... قمت جريت رجعت للسيارة... فكيت ازارير القميص لأني من جد كنت مكتوم دورت في الدرج على حاجة... من زمان كنت حاطها.. امي قالت لي حطها في السيارة عشان البركة خرجته... فتحت أول صفحة.. (بسم الله الرحمن الرحيم، الحمد لله رب العالمين، الرحمن الرحيم، مالك يوم الدين، إياك نعبد وإياك نستعين، اهدنا الصراط المستقيم، صراط الذين أنعمت عليهم، غير المغضوب عليهم ولا الضآلين) وبعدها قريت سورة البقرة... قريتها كلها انا اللي ما أختم القرآن غير في رمضان... قريت 3 أجزاء كاملة في وقت قصير في السيارة والله العظيم حسيت براااااحة... راااااااحة عجيبة بعدها ما ادري ايش اللي خلاني لا شعورياً.... أدور على سي دي سي دي أغاني كان من ريهام مكتوب عليه... إلى حبيبي أحبك... أخذت السي دي... نزلت من السيارة.. طلعت على الصخرة ثاني.. رفعت يدي بكل قوتي ورميت السي دي رميته في البحر بعييييييييييييييييييييييي يييييد... بعدها رجعت للبيت.. دخلت لغرفتي قمت أدور على السجادة زي المجنون.. فين السجادة؟ مين شالها؟ انت متى آخر مرة صليت يا محمود؟؟؟ قمت رحت أخذت سجادة من غرفة المجلس.. قفلت على نفسي الباب.. وصليت العشاء وبعدها قعدت مع ربي سامحني يا رب... سامحني اغفر لي ذنوبي يا ربي ربي انت بتعاقبني... انت بتعاقبني على كل ذنوبي اللي سويتها عشان كذا أخذتها مني... ما كنت أصلي ما أصوم ما أتصدق كل همي أغاني وجوالات وخرجات ومسخرة وقلة حيا ما عمري وقفت ودعيتك يا رب.. ما عمري طلبتك تزوجني ريهام... عشان كذا اخذتها مني اغفر لي ذنوبي... اغفر لي يارب... واسعدها واغفر لها يا رب انا راضي بقسمتك... راضي بنصيبي يارب .. لا اعتراض لدي يا رب عوضني بإنسانة أحسن منها... وعوضها بإنسان أحسن مني يا رب اني كنت من الظالمين..... لا إله إلا أنت سبحانك إني كنت من الظالمين اليوم اللي بعده... قمت حسيت إني إنسان جديد من اليوم،، راح اكون أقرب لربي راح أصلي الصلوات في وقتها.. وفي المسجد إن شاء الله... راح استغفر ربي.. كل وقت.. من لزم الاستغفار يجعل الله من كل ضيق مخرجا.. ويفرج همه راح أدوام على الأذكار والمعوذات.. راح أتصدق على الفقراء... راح أخفف أسمع أغاني... راح أقرب من ربي... ما اقول اني راح أسير مطوع أو ملتزم... لا!! راح أكون إنسان صالح زي أحمد الشقيري لا متشدد ،، ولا مفلت يا مقلب القلوب... ثبت قلبي على دينك ندائي لكل الشباب والبنات،، خلونا نبدأ يا شباب من اليوم،، خلونا نبدأ يا صبايا كلنا عندنا أحلام،، كلنا عندنا طموحات ونبغاها تتحقق واحد حلمو.. تعدي الاختبارت على خير وينجح فيها واحد حلمو... ربنا يشفيه أو يشفي أبوه من المرض اللي فيه واحد حلمو.. يشتري سيارة أو اي حاجة معينة واحد حلمو... يبطل من التدخين او حتى من المخدرات والبنات واحد حلمو.. انو يسافر ويلف الدنيا وحده حلمها.. تدخل الكلية اللي تتمناها وحده حلمها.. ربنا يهديها ويستر عليها من الشباب وحده حلمها.. تتزوج رجل صالح أو حتى تتزوج حبيبها كلنا عندنا أحلام... وما تتحقق عارفين ليه ما تتحقق؟؟؟ لأننا بعيدين عن ربنا خلونا نقرب من ربنا شوية،، ما اقول نسير مطوعين،، بس خلونا نقرب من ربنا خلونا نرجع لربنا الأغاني تجيب الهم والاكتئاب،، دي الأيام كثرت العلاقات بين الشباب والبنات هادآ يحب هآدي... وهآدي تحب هادآ... يمكن يكون يحبوو بعض من جد ويكون قصدهم ونيتهم الزواج ما أظلمهم لكن،، أيام كثيرة يجي الفراق وما يسير نصيب تلاقي المفارقين ايش يسوو؟؟؟ يلجؤوا للأغاني ويهيمو في اجوائها ويعيشو زي الأفلام في جو حزن وكئيب ودموع،، اشتأتلك،، واشتأت لكل حاجة فييييك،، وبحن لك أنا حبعد عنك وأنا وياك ألبي،، حتحمل تعبي،، في بعدك الله يعينني،، الأماكن كلها مشتاقة لك،، حتى ضحكتي لك فيها شي الأغاني دي الأيام كلها هم وفراق،، ما تزيد همك غير هم محا تملأ عيونك غير دمووووع،، وتخلي الدنيا سودا كئيبة اسألوني انا مجرب ما فكرت إنك تلجأ او تلجأي للقرآن؟؟؟ اسمعوا واقرأو قرآن صدقوني راح تحسون برااااااااااااااااااااااح ة وطمأنينة وامكن سبحان الله ربنا يرجعكم لبعض ثاني ويجمعكم في زواج دحين الدنيا اختبارآات.. فجأة لقينا الشباب والبنات كلهم ساروا يدعوا ويصلوا ويروحوا الحرم... نزل الدين فجأة... وبطلنا نسمع أغاني... ما يسير نسمع اغاني بعدين ربنا ما يوفقنا وبعد ما نستلم النتيجة... نرجع لحالنا الأولاني ليه ؟؟ يعني ما نذكر ربنا غير في وقت الشدة؟؟ صدقوني أنا ندمان...كنت لاهي عن ربي وضيعت حب حياتي.. وصحيح إني ما رجعت لربي غير وقت الشدة لكني حأستمر في طريقي هذا... من الييووم راح أذكر ربنا على طول وقت الشدة ووقت الفرح خلونا نستمر... وإن شاء الله ربنا يوفقنا في حياتنا كلها،، مو بس في الامتحانات،، واحد من الشلة... كان يحب بنت عمو وهييآ تحبو لكن أهلها ما كانو راضيين.. بصراحة لأنو الولد سمعتو سيئة بعد ما رفضوه أهلها.. انهاااااار وحاله سار زي حالي اخدته على جنب قلتلوو ،، مالك غير ربك ادعيه انه يرقق قلب أهلها ويوافقوو قال لااااااااااا خلاااااص كل شي انتهى،، انتهيت خلاص مستحيل اهلها يوافقون قلت مافي شي مستحيل على ربنا استغفر ربك وصلي وادعي،، خلي أملك بربنا كبير لا تغلط نفس غلطتي،، انا ما طلبت ريهام من الله كنت بعيد عنه واخذها مني ارجع لربك وان شاء الله ييسر أمورك وصدقوووووووووووووووووووني اللي خلاني اكتب الإيميل هذا واكتب قصتي .... انو الولد هذا اتصل علي قبل يومين وقال: هيا بارك لي يا محمود.... قلت ليه خير ان شاء الله ... قال قول مبرووووك يا مان قلت له مبروك بس ليه ؟؟ قال: خطبت،، قلت: والله مبررروك مين؟ قال: بنت عمي واحد يقرب لنا... أمه معاها برين كانسر (سرطان في المخ) وكانت داخلة على عملية كبيرة ونسبة نجاحها ضئيلة جدا.... الولد ما كان راضي امه تدخل العملية لكن أبوه وأمه قرروا كان حاس انه خلاص بيخسر أمه قلت له: صلي وادعي انه تنجح العملية قال: نسبة نجاح العملية ضئييييييل قلتلو: ارجع لربك يا زياد.. لا تيأس لا تفقد الأمل خلي أملك بالله كبير.. قوم امشي معايا هالحين بيأذن المغرب خلينا نروح نصلي في المسجد.. قال: انا ما ادري متى آخر صليت... وتبيني اروح المسجد؟؟؟ كيف اقابل ربي قلت له: إن ربك غفور رحيم... ارجع لربك يا زياد واطلبه يشفي امك كانت العملية بعد شهر،، وفي الشهر دا زياد اتغير،، سار اقرب لربه وبعدها،، نجحت العملية وعاشت أمه كنت معاه في المستشفى لما خرجت أمه من العملية،، وقالو له نجحت العملية قدام الناس،، قدام الدكاترة والممرضين،، سجد زياد على الأرض وسار يبكي ويقول الحمدلله لك يا رب الحمدلل،، موقف هز كل الناس اللي هناك،، خلونا من اليوم نبدأ بداية جديدة.... نبدأ صفحة جديدة مع ربنا عشان تتحقق أحلامنا... عشان نحقق طموحنا... عشان ننعم بحياة سعيدة مطمئنة عشان تدخل الراحة في حياتنا الكئيبة عشان يهدينا ربنا ويكون راضي علينا.. عشان ندخل الجنة مشاريعنا من اليوم: 1- أول خطوة،، متى آخر مرة قرينا قرآن؟؟؟ توجه لأقرب مصحف،، وأحضنه،، وبوسه،، وأسأل ربك أنه يجعله قرة عينك،، واقرأ سورة قصيرة منو ،، 2- الصلاة... الصلاة... كل حاجة سويها... إلا صلاتك لا تتهاون فيها أهم شي الصلاة خلونا شباب وبنات فلة... نطلع نروح نجي نستمتع نلعب... لكن وقت الصلاة نترك كل شي ونصلي 3- كل ما حسيت أن فيه مؤثر ممكن يجرّك للمعاصي استغفر ربك وقول استغفر الله 4- اذا حسيت في أغنية جديدة ضاربة ونفسك تسمعها... إيش تسوي؟؟ اول قول استغفر الله... واذا حسيت انك مرررررة تبي تسمعها ومو قادر استبدلها بشي ثاني،، 5- وإنت دحين أونلاين.... نزل كم مقطع او سورة من القرآن وحطها بجوالك واسمعها كل ما تحس انك بترجع تسمع اغنية،، 6- من اليوم،، ما اقول احذف كل الاغاني في جهازك او جوالك،، لكن خفف لآ تسمع كتير.. كل يوم احذف مقطع فيديو،، كل يوم احذف صورة وسخة،، الين ما يبقى شي في جوالك أو جهآزكـ ،، 7- للشباب،، ما اقول ارمو الأشرطة والسيديهات اللي في سياراتكم،، لكن مثلا اول ما تخرج لجامعتك او عملك في الصباح.. حآول انك مآ تشغل اغاني،، واذا مررررة ما تقدر تسوق بدون اغاني خفف شوية مثلا اذا انت رايح للجامعة.. لا تشغل المسجل من اول ما تركب السيارة،، قول لنفسك مثلا لمن أوصل عند الحمرا أو حي النسيم اشغل المسجل،، وهكذا الين ما تتعود انك تخفف،، 8 - اول ما تركب السيارة.. اقرأ دعآء الخروج والركوب ، المعوذات والأذكار.. وحصن نفسك 9- للبنات،، وقت ما تكوني فاضية وقاعدة عالنت،، وتكوني مشغلة تآمر حسني وللآ افريل لافين،، قفلي الأغاني شوية،، مو لازم كل ما تقعدي النت تسمعي اغاني،، 10- جرب تدخل في النت على مواقع دينية او منتديات ،، بس جرب مآ عجبك لآ تسوي مو غصبن عنكـ 11- لما نفتح ايميلنا،، نلاقي ايميلات كتيرة،، منها الوسخة ومنها الدينية،، نفتح الوسخة واللي مكتوب جنبها 18+ على طوووووول،، وبنحذف الدينية خلونا من اليوم،، انا شاب وأدري انو صعبة انو ما نفتح الايميلات دي،، بعضها امكن تكون نكت وسخة او صور كرتون وسخة وبعضها تكون اشياء خفيفة،، اوكي افتحوها مو مشكلة لكن لا ترجعوا تعملوا لها فوروورد وتنشروها،، 12- الرسايل الوسخة في ايميلاتنا.. خلونا كل يوم نحذف منها فيلم،، كل يوم نحذف منها ايميل،، 13- الشباب والبنات اللي في جدة ومكة والطائف... حددوا يوم في الشهر تجتمع فيه الشلة وبدل ما تروحون الكوفي والكباين.. روحو الحرم مع بعض.. 14- الأستغفار شي عجييييييب لو أقول من هنا لبكرهـ ماوفيت حقهـ أنصحكم فيهـ والتسبيح،، قولو لا حول ولا قوة إلا بالله 15- لما ينزل الراتب والمكافأة،، خصص جزء منها و أتصدق فيه كل شهر 16- حآولو تبدأو تصلو السنة... كلها ركعتين بعد المغرب وبعد العشا وركعتين قبل الفجر،، صلو الوتر،، صلوا قيام الليل وادعو ربكم لأنه ربنا ينزل في الثلث الأخير من الليل يقول ادعوني استجب لكم 17- ادعوا واستغفروا ربكم في الاوقات والاماكن التي يستجاب فيها الدعاء،، 18- أي وقت تكون فيه فآضي ،، وآقف عند اشآرة ،، تستنى دورك في المستشفى ،، تستنى رحلة طيآرة،، شيل معآك مصحف صغير اقرآهـ وقت مآ تون فاضي ،، أبواب الخير كثيييييييرة يا شباب وكلنا عارفينها،، القيامة قريييبة،، صدقوني القيامة قريبة البراكين والزلازل اللي في المدينة اكبر برهان من علامات القيامة الكبرى،، خروج نار من ارض الحجاز,, اللي هي البراكين من علامات القيامة،، قتل الخنازير،، وشوفو انفلونزا الخنازير كيف منتشرة خلونا نرجع لربنا عشان تتحقق أحلامنا ونفوز بالجنة في نهاية الحملة: كل الشباب والبنات... خلونا نبدأ مع بعض ما نبى نكون مطوعين.. لكن نبى نكون قريبين من ربنا نبغى نكون شباب وبنات فلة.. لكن قريبين من ربنا صحيح نلبس ماركات.. لكن نتصدق على الفقراء صحيح نسمع أغاني.. لكن حنخفف منها ونسمع ونقرأ قرآن صحيح نروح كفيهات.. لكن بنروح الحرم كمان صحيح بنركب جيت سكي.. لكن وقت ما يأدن نقوم نصلي صحيح نشرب معسل... لكن ان شاء الله نبطل صحيح نتفرج تلفزيون.. لكن وقت الأذان نقفل الصوت صحيح نروح مولات.. لكن ما نرقم بنات صحيح بنضيع وقت عالنت... لكن بنسوي شي مفيد صحيح بنعمل ذنوب... لكن نرجع نستغفر ربنا صحيح احنا مو مطوعين... لكن قريبين من ربنا       |
|
#3
05-07-2009, 10:36 AM
| ||||
| ||||
| رد: حملة نبغى آنكون شبآب وبنآت فلة..~  تسلمين عزيزتي نحولة الطائف على طرحك لهذه الحملة الاصلاحية للشباب احييك لأختيارك للحملة أنا معك بهذه الحملة واتمنى الاصلاح لي ولكم بأذن الله ودي وتقديري لك تحيتي ... .. . صمت الكلام |
|
#4
05-07-2009, 12:38 PM
| ||||
| ||||
| رد: حملة نبغى آنكون شبآب وبنآت فلة..~ يعطيك العافية نحولة كلام جميل وزي العسل ربنا يوفقك ويوفق الجميع... .
صحيح اعرف اللة في الرخاء يعرفك في الشدة اذا ساءلت فااسئل اللة واذا استعنت فاستعن باللة. وتوكل على اللة الحي الذي لايموت شكرا جزيلا اختي نحولة على الموضوع الطيب . تقبلي مروري |
|
#8
07-07-2009, 03:44 PM
| ||||
| ||||
| رد: حملة نبغى آنكون شبآب وبنآت فلة..~ , * *** السلام عليكم ورحمة الله وبركاته  مشرفتنا المتألقه / نحولهـ الطائف إنتقاء موفق و مشاركه هادفه واحد حلمو... يبطل من التدخين او حتى من المخدرات والبنات اي بنت يسرها أن تصل لهذه المرحله من " الاحتقار " .. !! ومن أجل ماذا ..؟؟ وهل سيعذرها أحد ..؟؟ وهل يسرها إنحلال بناتها مستقبلا بدعو " الفله " .. ؟؟ وهل يسر "الشاب " إنحلال أخواتهـ أو بناته مستقبلا بدعوى " الفله " ..؟؟ , ¨°o.O (أخــوكمـ / تذ كــ ار) O.o°¨ |
|
#9
07-07-2009, 07:09 PM
| ||||
| ||||
| رد: حملة نبغى آنكون شبآب وبنآت فلة..~ رائعة انتي في انتقاءك نحولة الطائف عافاك الله وجزاك خيرا |
|
#10
07-07-2009, 08:36 PM
| ||||
| ||||
| رد: حملة نبغى آنكون شبآب وبنآت فلة..~ يعيطيك العافية نحولة الطائف على ماسطرتة لنا هنا وبالفعل هذا حال شبابنا ( الاغلبية إن صح التعبير ) ولكن بالتذكير والترهيب من عقاب الله مرة والترغيب فيما عند لله مرات اخرى , يكون الصلاح ان شاء الله شكري لك ولطرحك ولاعدمنا جديدك دمتِ بخير دوماً مزون |
 |
| Bookmarks |
| Tags |
| حملة, شبآب, فلة, نبغىآ, نكون, وبنآت |
| Thread Tools | |
| Display Modes | |
Linear Mode
| |
